moorgen

ياطير ياللي جالس على الشجر بتنوح هو حبيبك مفارقك والا الفؤاد مجروح ان كان حبيبك مفارقك ترى الحبايب بتيجي وتروح وان كان فؤادك صبح مجروح ياما فرقوا بين الجسد والروح سلمها لله وخلي خاطرك مشروح

Saturday, July 29, 2006

الصديق


الصديق
الحضن الدافئ الذى تلجأ اليه فى البرد
الظل الذى تهرب اليه من حرارة الشمس
القاضى العادل الذى يحكم لك من ظلم الناس
المطر لك اذا اجدبت صحرائك
الضياء فى سواد الليل
مرشدك الى الطريق الصحيح
الاخ الذى لم تلده امك
اقرب اليك من دم شريانك
ان يتقبلك كما انت
ان يشاركك احزانك وافراحك

من يفسر


وصلتنى صوره غريبه شويه بس معرفتش افسرها ولا من اى منطق ولا جهة ولا فى جميع اتجاهات الصورة

مكتوب تحتها جندى اميريكى يحتضن اشلاء طفل عراقى


قتله.. ثم .. بكى عليه .. !! .. و يحتضنه بألم .. ؟؟ !! .. و ما زالت دماءه تنزف .. !! .. متناثرة .. !!

Wednesday, July 26, 2006

الطبيعى

انا بقول هو
طبيعى مادام احنا هنا
يعن النهاردة واحنا ماشين فى امان الله طلع لينا عسكرى او شكله كدا امين شرطة وقًًف العربيه وقال ممنوع الدخول من هنا سألنا ليه قال النهاردة بس نسكت قولنا اشمعنا قال فيه قلق شويه يعن ايه يا عم خلص وعدينا قال اصل فى ندوة وكدا انت مجبر يا تلف من مكان ما جيت يا تاخد طريق كدا كله ملفات والمشوار التى هاتخده فى 10 دقايق كدا مجبر تاخدة فى 1/2 ساعة ولو فكرت ومشيت فى نفس الطريق على طول ودا الى احنا عملناه تلاقى عساكر كتير لابسين ابيض وبين كل عسكرى وعسكرى ظابط وعسكرى
دا طبيعى ؟ كل دا عشان حتة ندوة مش عارفين مين فيها ولا بيتقال ايه قيها ما علينا اكيد مش جديد اومال لو مؤتمر اكيد الكل عارف ايه اللى هيحصل
عموما اول ما اعرف الندوة كانت عن ايه مش هابخل اقولكو
بس اكيد الكل عارف
الطبيعى مبقاش طبيعى واللى مش طبيعى بقى طبيعى
وانت كدا ليك كامل الحريه اللى انت مجبر فى جميع احوالها
الحريه لطير من حقه يطير فى اىوقت ومكان
مش طير مجروح مكسور الجناح
ح/ حمامه طايرة
ر / راس مرفوعة
ي / ينبوع من الامان
ه/ همسه صدق فى الكلام

Saturday, July 22, 2006

لما

لما تضيق عليا الاماكن
لما مالاقيش لحزنى آآخر
لما مالاقيش لصبرى حدود
لما تتلاشى من عينى الدموع
لما تختفى الابتسامة
لما الاقى من نفس دايما ملامه
لما الاقى فى قلب جرح معلم ميت علامة
لما اصدق كدب ياما
لما ابكى ابكى لوحدى
لما اضحك يضحك العالم معايا
لما ادور على الصديق الاقى الحزن صديقى
لما ادور على الطريق الاقى جبال سواد طريقى

قـــــــــــــــــــرار

لقد قررت نسيـــــــــــانك وتجاهـــــــــلك
وقررت ان اقتلع الحزن وايامه وان امسح دموعى قبل ان تسقط على وجنتى
قررت ان ادمرك فى وجدانى وقلبى واحلامى
اذهب انت ورياحك فإنك لن تستطيع ان تقتلعنى لاننى زرعت جذورى فى ارض لا يمكن ان تنبت فيها
فأنا مازلت انا اذهب فقد محيتك من سمائى وجعلت الرجوع اليك انتحارا
فوداعا للوردة الذابلة التى فقدت رحيقها
ووداعا للنحلة التى تبحث فى بساتين الارض فلم تجد بستان يروى ظمأئها
ووداعا للشمش التى حجبت الغيوم نورها
ومرحـــــــا بالوردة المليئة بالندى الذى ذاب فيه عطرها
ومرحا بالنحلة المحبة للحياة التى روتها الزهور من رحيقها
ومرحا بالشمس التى لم تمنعها الغيوم من ارسال نورها
فأمل الوردة خلودها
وامل النحلة اسعاد غيرها
وامل الشمس طول ضيائها
واملى انا ان ينبت الحب الصادق فى الوجدان
فأنا لا املك الا الصبر والايمـــــــــــــان

Tuesday, July 18, 2006

لازم نحلم

هااااااااااااااااى
لو جينا بصينــــــا حولينا
هنلاقى حاجات كتير بتناديــــــنا
محتاجه كلمه حق كلمة صدق
محتاجة نبتة خير فى ارض فســـــــاد
محتاجة ايد تغير مش لسان بس يعبر
محتاجة نفتح كل باب أمل قديم
محتاجة اشراقة من شمس لا تغيب
محتاجة نبنى احلامنا على ارض صلبه مش ارض من طين
محتاجة حريه مش سيف ينزل على كل حالم مسكين
لينا احلام محكوم عليها بالاعدام
زى السفينه ماشيه ومش عارفه ترسى فى مكان
لا مينا حضناها ولا دنيا حساها
ولا ايد ترفع علمها فى الموانى والميادين
كلنا كلنا كدا محتاجين
محتاجينن
نصف حقوقنا ومانكنش مغلوبين
محتاجين نحقق احلامنا
محتاجين نرسم حياتنا فى لوحة حلوة محتاجين
محتاجين لقاضى عادل يحكم لنا م الظالمين
محتاجين لشجرة تطرح فرح لكل المظلومين
محتاجين لوردة ناديه بيها بسمه لكل حزين
محتاجين لقلوب صافيه تنبض حب مش ضنين
محتاجين محتاجين
بس لازم نحلم
يمكن بكرة علينا يدور
ولا بعده ما يكسفناش
ولا يجد جديد فى حياتنا
ولا الحظ ما ينساناش