بدون عنوان

عندما تتقابل الارواح دون ان تتقابل الوجوه

واشخاص تفتح لها القلوب دون ان تراها العيون

اشخاص يرسمها الخيال وافكار يراقبها الخجل

وكلمات تنطق بالحب ولكنها بحذر

وافعال تلقائيه ليست محسوبه ولكنها محسوسه

واشخاص ترسم الإبتسامة

مع كل شروق وغروب

بهم زرعت دنيـــــا تغرد لها الطيور

وبستان جميل عطره الصدق

مــــــــائه الحيــــــــــــــــــــــــاء

ونوره خشــــــــية اللـــــــــــــه

وزهوره الحـــــــــب والسلام

فأخاف

انا اكون زرعت الاشواق فى ارض الخيال

واشخاص رسمتهم على الرمال

ودنيا زائله لا محال

ربما جمعتنا الصدفة او حكمه يريدها رب العباد

يوم تحفة

فكرت مع نفسى اخد يومين اجازةوحلمت ازاى هاقضيهم هاخرج مع صحباتى ونروح مكان فيه ميه اى كان نيل بحر المهم ميه وورد ومش هافكر فى حاجة خالص وانسى كل حاجة بس فعلا كان حلم

المهم يوم التلات فى الشغل

دخلت للمدير

انا: مستر انا عايزة بكرة وبعده اجازة

المستر: بصلى وكأنى قولت حاجة مخله بالشرع والقانون وقالى اقعدى
االمستر: ليه يومين يعني اربع وخميس ومعاهم الجمعة
انا : اه فى مشكله ولا كتير
المستر : ايه الاسباب ... انتى مسافرة
انا : لا
المستر: هاتقعدى فى البيت
انا : لا
المستر : هاتخدى يومين مش ليهم بلان هاتعملى فيهم ايه

انا : مستر انت مش مقتنع بكلامى انا طلبت اجازة هاعمل فيها هاخدها ليه دى بتاعتى

حوار تــثبيت

المستر: انتى عارفة انى بعزك لو جينا من ناحية الشغل ماينفعش اديكى اجازة لانها اجازة غير مسببه
وعيزانى اتكلم معاكى كمدير ولااصدقاء
انا: مستر انت عارف انى بكلم حضرتك كأخ وصديق قبل مل تكون مدير
المستر: انا مش محتاج اعرف عنك كل حاجة عشان افهمك ومش شرط تحكيلى عشان اعرف انتى ايه اللى مضايقك
بصى مفيش حاجة تستاهل وكل مشكله ليها حل عاطفيه / ماديه( ....... ) الحاجة الوحيدة اللى ملهاش حل هى الموت ومش هاتقعدى تفكرى فيه وتستنيه
مفيش حاجة تستدعى انك تعملى فى نفسك كدا ولو كل مشكلة قابلتك وقعدتى تبصلها هاتنك محلك سر
انتى عندك كام سنه؟
انا: 25
المستر: ومستعجله على ايه
انا: مستر انت ليه واخد الموضوع من الناحيه العاطفيه ممكن يكون عندى مشاكل تانيه مينفعش انى اقولها لازم انا اللى احلها مع نفسى حاجة خاصة بيه
المستر: انا لسه هاعرفك انا عار ف انك عاطفيه وحساسه اوى
انا : يعن حضرتك مش موافق ع الاجازة
المستر : لو على مصلحة الشغل هاقول لا
انا : مستر انا حاسه انى متضايقة ومش عارفه اشتغل يعن مالوش لازمة اجى
المستر : اه ماانا عارفك وانتى متضايقه لو حد جيه كلمك وهرز معاكى هاتطلعى كل نرفزتك فيه
انا : اوكى يعن ايه ؟
المستر : انا عايزك تفكرى ولو مصممه كل اللى اقدر اعملهولك هاخصم اربع وخميس وجمعة من مرتبك
انا: موافقه
المستر : بس فكرى

فكرت واخر اليوم عملت ديسكونت وبقى الاربع بس
............................................................
فى البيت
روحت مش لقيت حد فى البيت سكت وبعد ساعة كدا ماما جت
انا : فى ايه ؟
ابدا سهام ( مرات اخويا ) هاتولد
انزلى شوفيها
انا : حاضر نزلت ايه يا سوسو انتى لسه يووو انتى بقالك كتير اوى
يعن هاتولدى دلوأتى لا الدكتوره قالت اودامى 12 ساعة
انا: ايه وتاعبنى وعاملين قلق انا هاطلع ولما تيجى تولدى ادينى رنج
سهام: ايه انت مش هاتيجى معايا ومش هاتقفى جنبى اومال هاتبقى عمتو ازاى
انا : بس كدا ( ووقفت جنبها ) بس يا ستى ادينى وقفت جانبك وقعدت شويه وطلعت
الساعة 10 ونص نزلت
انا : ها ايه الاخبار
سهام: تعبانه
انا : يعن ايه بصوا انا طالعة انام ولو جد جديد صاحونى
نمت الساعة 11 ونص
والساعة 1:00
ماما : شرين اومى
انا : فى ايه
ماما : سهام هاتروح المستشفى
انا : على ما استوعبت وفوقت وعلى ما لبست
نزلنا ع الساعه 1 وتلت
وطبعاوانا نايمه حصل حورات وفى الاخر اكتشفت ان الدكتوره اللى متابعة الحاله كان كابس عليها النوم وقالت خالوها للصبح واخويا اصلا كان رافض موضوع دكتور راجل المهم اتصلوا بدكتور جنتل كدا والراجل بصراحة قدر وقال هاتوها المستشفى واول ماتوصلوا اتصلوا عليه
وصلنا وفعلا اتصلنا بيه وفى خلال 5 دقايق كان موجود
فى المستشفى

الدكتور: سجلوا بس دخول وهاتوا الاوراق والتقارير وتعالوا
اخويا : مفيش اوراق ولا تقارير كلها عند الدكتوره
انا : انا اصلا شاكه فى الدكتوره دى شكلها واخده الدكتوراه بالبلطجة
فى غرفة الكشف
الدكتور : دا اول بيبى كان فى اى مشاكل خلال الحمل ( سكر / ضغط / حمة روماتيزميه)
سهام : لا
الدكتور : ماشى احنا هانعمل كل حاجة م الاول
بعد الكشف
الدكتور : مبروك يا سهام طلعتى حامل

وطلب الاستعداد للولادة
فى غرفة سهام
من الساعة 2 لحد 6 ونص سهام بتصوت مع كميه محاليل وحقن
وانا هاموت وانام وقولت لسهام ادعيلى وانت بتولدى قاللتلى ادعيلك تتجوزى لالالالالالالا
قولتها مش عايزة اجوز بس ادعى ربنا يكرمنى
المهم دخلت العمليات 6 ونص وخمسه
لحد 8 الاربع مفيش اخبار قولنا ننزل نشترى شوية حاجات نزلنا لاقينا العربيه سخنه والريداتير مش فيه ميه والميه بتقع منه كل ما نحطها
اه بان اليوم المهم
الساعة 8 الا 10 مفيش حد فاتح
مشينا لاقرب بنزينه ورحنا جبنا الحاجة وجينا


لاقينا الحاله ساءت الدكتور قرر انها تكون سيزيريان وكان مستنى اخويا يحضر العمليه
دخل اخويا وعلى 9 الاربع الحمد لله سهام ولدت وربنا رزقها ببنت
بجد اتعذبت كتير وانا اول مرة احضر الموضوع دا
بعد العمليه فى غرفة سهام

البنت معايا وسهام لسه فى البنج
انا: خلاص يا جماعة الحمد لله مش ولدت واطمنا عليها انا بقى هاروح انام

سبحان الله سهام فاقت على كلامى
سهام : حرام عليكى مين هايقعد معايا
انا: اه ما انا الفاضيه اللى مش ورايا بيت ولا عيال ولا جوز اعمله حاجة
ماليش فيه انا هاروح انام وكمان ماشربتش الشاى بتاعى
وانا موتى ما اشربش الشاى بتاعى ولا اخد كفايتى م النوم
كله مشى واناا ضطريت اقعد
وقولت لاخويا متتأخرش
المهم قعدت مع البنت وسهام
البنت سارينه وعماله تعيط وسهام تفوق تصوت
وانا عيزه انام
المهم اخويا جيه على 1:00 اول ما جى انا هامشى ماليش فيه بنتك اهى ومراتك اهى
يابنتى اقعدى لا انا هاروح وهابقى اجى تانىبعد المغرب
روحت على ا ونص وخمسه 2 الاتلت كنت واخدة اقرب كرسى فوتيه بالحضن ( السرير كان بعيد

( ونص صاحونى اكل (اكلت ايه واكلت ازاى مش عارفة )3 ونص كنت نايمه وصحيت على 6
وعلى 11 ونص نمت
الحمد لله كان يوم هو دا يوم الاجازة اللى حلمت بيه

دنيـــــــــــاى

دنيــــــــــاى التى اغلقتها على ما تحتضنه من ذكريات وفرح والم دنيــــاى التى امتلكها
تُقتحم الان.... تفتح ابوابها
لهمسات تخترق مسامعى وكلمات تـُــــساق الى قلبى و
ابتسامه ُترسم لتضىء كل يوم وجهى وزهور تنشر عطرها حـــــــــولى
وخيوط من اشعة الشمس تخترقنى مع كل اشراقة وغروب غزلتها جوارجى

تتوجنى لحظات الخيال

لكـــــــــن خيالى هذا لم يطل........... فقد اطل علَّى الواقع بقذائفه
واسكننى فى صمتى ووحدتى

بداخلى اثنين يتصارعان
انسان يحكمه العقل وانسان يحكمه القلب

ماذا افعل ؟اصــــــدِم ام اُصــــــدم ؟؟

السكوت

السكوت اللى عايشين فيه هايوصلنا لفين
انا مش عارفه الناس هتعمل ايه
فعلا الحياه في مصر بقت صعبه قوي و الناس مش عارفه تتصرف ازاي موضوع الدعم( السلع المدعمة)والجرى ورا بطاقة التموين اللى بقى عبارة عن زحام طوابير كبيره. و المشكله ان فيه ناس عواجيز و ناس مش قادرة مش عارفه هيعملوا ايه في الزحام ده والموظفين بيتعاملوا معاهم بطريقة سيب ورقك وفوت علينا بعد اسبوع
مفيش احترام لادمية الانسان وفلوس ودمغات طالعه ونازله
بس حاليا ما فيش حل غير كده بطاقة التموين مع غلاء المعيشه للناس اللى تحت مستوى الفقر
السياده حددت مين المنتفعين
يعن الموظف اللى مرتبه 200 جنيه يستحق الدعم طيب و اللى مالوش مرتب اصلا يموت ؟؟ يطبق الدعم علي موظفي القطاع العام فقط !!! اما القطاع الخاص فمنهم من يحتاج للدعم فعلا
اما اللى خارج البلد لا يستحق الدعم او اللى بيشتغل ومرتبه ازيد من 200جنيه برضه ما يستحقش الدعم

يعن بمعنى اصح بيفكروا ياخدوا الفلوس من الناس ازاى الفلوس اللى دفعوها تعويض للكوارث يعن شغل تلت ورقات اديك واخدوا منك بإرادتك
لو بصينا
في السويد الحكومة تدعم تليفونات المحمول وتذاكر السفر للطلبة.........ولكل مواطن الحق في المصاريف

سويسرا بتيدى بدل بطالة يعادل 1500 دولار شهري
الفرق بسيط ان عندنا بيفكروا ازاى يلغوا الدعم......
لو فكروا كويس ازاى
المرتبات ضعيفه
والتعليم مش بقى مجانى فى وجود الدروس الخصوصيه
والتأمين الصحى مالوش لازمه
غلاء المواصلات العامه وعدم كفايتها
عدم توفير فرص عمل جديده
.ارتفاع اسعار الكهرباء واسعار الشقق
فين دا كله بالنسبه للاجور اللى بتدفعها
المفروض الحكومة مسئوله عن توفير احتياجات الشعب مش ازاى تاخد قوت الشعب
وعشان الدعم يتشا ل يكون فى مقابل بأشياء تانيه منها زياده معاشات المواطنين وزياده مرتبات موظفين الحكومه مش عارفه هما بيتكلموا فى (كيلو سكر ونص زجاجة زيت وباكو شاى)

مش عارفين يعملوا ايه؟

انا خايفة يعملوا ضريبه لو مشيت فى الشارع تدفع
باين الشعار الجديد هو تنظيف جيوب الناس واضح انها حملة نظافة شاملة
اقوى من اريال وبرسيل

التحدى

قمة التحدى ان تعشق من ليس لك

وقمة الحزن ان تبتسم وفى عينك الف دمعة

وقمة الالم ان تسكت وفى قلبك جرح يتكلم

وقمة الاستغراب ان تنجرح ممن تحب
وقمة الوفاء ان تنسى جرح من تحب

نظرات عينــــــــيك

حبيــــــــــــــــبى

رأيت عينيك وسبحت فيهما بحثا عما اشعر بيه فى نظراتك ولكنى لم اجد سوى رموزا لا افهمها

فقل لى اهذا حبا او وهما اشعر بيه

ولكن على همس نظراتك التى تأخذنى الى عالم الاحلام

فأنت لوحة جميله رسمتها وعلقتها على جدران افكارى ولونتها بالخجل الذى يسكن نظراتك


نظرات عينيك ايقظت بركانى الخامد
وانبتت الزهور الناديه فى صحرائى التى اجتدبت
واذابت الظلمه فى ليلى
وبريق عينيك يحملنى الى دنيا الاحلام

ولكن كيف فأنا ابحث فى عينيك ولا نعلم شيئا عنا سوى اسماء قد تتوه وسط زحام الاسماء
فذلك ياخذنى الى الخوف
فصمتك يجعلنى اتراجع

وكلماتك المحبوسه على شفتيك تحملنى الى السراب
فالسؤال يراودنى

اهذا وهما
يأخذنى الى الاحزان
يأخذنى الى احلام ليس لها منتهى

اخاف ان اكون اصارع اوهام تحملنى الى الغرق فى بحر الاوهام

فالشوق يحملنى الى سر نظرات عينيك
وما زلت اتسائل

اتأتى الشمس بأشراقه جديدة فى يوم ما
ام تنتهى الاحلام عند شاطىء الذكريات

ويكون عزف الاحلام على اوتار نظرات عينيك