دموع الفــــــــــــرح
مبارك يأمر بصرف 30الف جنيه اعانه اضاقيه لاسرة كل متوفى
مبارك -اعطى تعليمات فوريه للحكومة بتخصيص 5 مليارات جنيه لتوفير الاعتمادات لانقاذ وتحديث السكك الحديديه
بعــــــــــــــد ايــــــــه
بعد ما ضاعت الارواح
بعد ما ا تقطعت القلوب
بعد ما بكت العيون
بعد ما ازهلت العقول
بعد ما بقى الموت غدرا يواجه الانسان فى كل مكان
بعد ما اترخص الانسان
بعـــــــد ايــــــــه
اصبحنا نعيش فى حياه ومجتمع غابت فيه الضماير
وسادت فيه المصالح وكترت فيه المصايب
واصبح الحزن واليأس يقتحم بابك بدون ذنب او سابق مقدمات
غابت شمس الامـــــــان وجاءت رياح الهدم والاحزان
اظلمت الحياة فى القلوب قبل الاوان
اين المفر للانســـــــــان
خيم عليه الذل والهوان
واجتاحته امواج الغلا والكوارث التى لايقاومها النسيان
كانت هنا يوما بلاد هاجرت
لمواكب الطغيان والظلمات
هى امة سكبت رحيق شبابها
هى امة باعت صهيل جيادها
هى امة حكمت زمام شعوبها
بالموت .. والنيران.. والصفقات
عار على الوطن العريق تساقطت
فرسانه كمدا بلا غزوات
اين الطريق وقد تراخى عزمنا
posted by moorgen @ 11:40 AM
22 Comments:
At 1:42 PM,
توهة said…
يا سلام يا سلام أنا أول واحده أعلق ابرطع براحتى بقى
صباحك ياسمين فى قرن حزين إتقلبت فيه الموازين والدموع بقت بالملايين
وده بوست جميل
فانتازياااااااااااااااااااااااا
At 6:16 PM,
karakib said…
wy eih el gedid !!
balash tek2eby 3ala nafsek howa dah elly bye7sal wy haye7sal kol yom
antouk
At 2:37 AM,
Unknown said…
لا تعليق
At 7:26 AM,
مـحـمـد مـفـيـد said…
احييكي علي الاحساس
بوست رائع
At 10:15 AM,
moorgen said…
ميرسى ليك يافانتازياااااااااااااااااااااااا ويا ستى برطعى براحتك حد كلمك
ويا ستى صباحك وصل
At 10:26 AM,
moorgen said…
karakib
really howa dah elly bye7sal wy haye7sal kol yom bas lazem te3abr 3an e7sask ana mosh bak2bah 3ala nafsy bas 7aset fa 3abrt
3ady ya antouk
At 10:27 AM,
moorgen said…
ابو امل
ميرسى على تعليقك اللى بدون تعليق
افهم من كدا ايه؟
At 10:30 AM,
moorgen said…
محمد
شكلك فى الاخر هاتيجى تطالبنى بالتحيات اللى انت بيتحيهانى
ههههههه
بجد ميرسى ليك
At 4:17 PM,
أجدع واحد في الشارع said…
بجد بوست رائع
انا اول مرة اجى هنا
وفرحت اوى انى جيت
عشان لقيت كلام بيطلع من القلب
مش كلام مجملة وخلاص
وبجد بوست جميل جدااااااا
At 1:14 AM,
Mamdouh Dorrah said…
ده مروري الاول هنا
الصراحة انبهرت كتير بيكي
At 7:17 AM,
Anonymous said…
moorgen
عزيزتى..الكلام فى الصميم بجد..يا ريت الضحايا كانوا عايشين علشان يقروه..يمكن الكلام دة يواسى اهل الضحايا..ويعرفوا ان فيه ناس حزينة علشانهم وان الدموع مش ليهم هم وبس
تحياتى الك...جميلة بجد
At 1:20 PM,
moorgen said…
ابن الشارع
ميرسى جدا على مرورك
cortex
اهلا
ميرسى ليك يا ممدوح:(
shahrzad
تحياتى ليك وميرسى على حضورك
واكيد الضحايا الاموات حاسين بينا وبدموعنا واحزانا وبرضه سكوتنا وكلامنا
At 1:21 PM,
محمد أبو الفتوح said…
جميل قوى
بجد جميل و وصلتنى كل كلمه
بس إسمحيلى(و بكل طيابه و الله)إنى أقول شوية حاجات فنيه على قدى
القافيه فى الجزء اللى بالعاميه سرقتك خالص لدرجة إنى حاسيتها سهله من الإستسهال مش الموهبه
أما الجزء الفصحى اللى فى الآخر فعالى جدا جدا لدرجة إنى حاسيت إنك حد تانى
ياريت تركزى شويه لأنى فعلا باستمتع بشغلك و نفسى تبقى أحسن
At 2:12 PM,
moorgen said…
محمد ميرسى على مداخلتك
اولا انا بكتب مش اصدى استرسل شعر انا بكتب الكلام اللى حاساه وممكن اعبر عنه وانا مش دارسه قافيه ووزن حتى لو فى موهبه لازم تدعمها الدراسه
ثانيا الجزء التانى
دا جزء من قصيدة لفاروق جويدة
At 4:11 PM,
saso said…
شيري بتغيبي اةة بس لما بتكتبي بحس كلامك مجنون وعاقل وبسيط ومهم بس انا عاوزة اركبلك جرس عشان اعرف لما تكتبي
ما علينا يا بنتي بابا نويل مؤمن بسياسة التجربة والخطأ ... وتكرار نفس التجربة ونفس الخطأ
يعني لا قطار واحد ولا قطاران بل ثلاث جرعات قاتلة
وبابا نويل ييجي معاة الحل السحري ف ورق مفضض علي طريقة بابا بعت فلوس !!! وتقرير يثبت ان الغلطة غلطة التوقيت او الساعات الصيني اللي مأخرة.. او في اقتراح كويس اوي
اية رايك لو نخليها القضبان اتجاة واحد؟ وبين كل قطر وقطر 3 شهور
At 5:45 PM,
Anonymous said…
:)
ياااااااااااااه علي جمال كلامك
اه يا قلوبنا
جميلة مدونتك
و رائع اسلوبك
At 4:51 PM,
كلبوزة لكن سمباتيك said…
يا حنين يا ريس
ندر عليا يوم ما ربنا يكرمك و ينقلب بيك السرير و تفيص لعمل فرح و ادي الورثة ربع جنية يتبشرقوا بيه
من امتي البني ادم يتوزن بالفلوس
شرين
كلامك زي الفضة السائلة
غالي بس بيكوي
خالص تحياتي
At 4:45 AM,
مـحـمـد مـفـيـد said…
والله انا بعلق علي المواضيع اللي تحسني وبجد انا مش بجامل لانك تستحقي
At 12:27 PM,
moorgen said…
saso
فعلا المشكله فى الساعات الصينى
الا هوايه مش فى بلدك صينى
وانا هابقى اعرض اقتراحك على مجلسى الشعب والشورى
موافقه ان شاء الله
هههههههه
At 1:00 PM,
moorgen said…
epitaph
يا مرحبا بيكى وميرسى على مرورك الكريم
وكلامك الاجمل
كلبوزة
اهلا بيكى
والله ما يستاهل اكتر من كدا
وعموما انتى عارفه الحنيه اتخلقت طمع
هو فيها
ميرسى ليكى
محمد
:)
ميـــــــــرسى
At 3:35 PM,
مفلس افندى الرايق said…
عار علينا انا نبكى كالنساء
ونحن نعيش فى زمانا اختفى منه الحياء
رجالا اصبحوا انصاف رجال
وشعوبا تواجه واحدها البلاء
ماتت ضمايرهم واصبحوا كالنعام
واتاخذوا معنى السلام ولكنهم رضوا بالاستسلام
لا جدوى للشعوب اذا بكت
ولا اصبح جدوى لاى كلام
At 2:22 PM,
moorgen said…
مفلس افندى الرايق
ميرسى على حضورك
ما عش شعب رضى بالاستسلام
ولا البكاء يعيد اللى راح
وفعلا لاجدوى من الكلام
namlaaa
اهلا
مش الكل الشباب مستسلمه ولا كل الشباب مدمنه
دلوأتى فى شباب مدرك للعالم من حواليه واللى فى ايده بيعمله
بس اكيد الظروف والاحوال اللى حواليه سجنه طاقته رابطة زمام حلمه
الشباب هما رمز البلد بس اللى يعرف قيمتهم
تحياتى
Post a Comment
<< Home