دنيـــــــــــاى
دنيــــــــــاى التى اغلقتها على ما تحتضنه من ذكريات وفرح والم دنيــــاى التى امتلكها
تُقتحم الان.... تفتح ابوابها
لهمسات تخترق مسامعى وكلمات تـُــــساق الى قلبى و
ابتسامه ُترسم لتضىء كل يوم وجهى وزهور تنشر عطرها حـــــــــولى
وخيوط من اشعة الشمس تخترقنى مع كل اشراقة وغروب غزلتها جوارجى
تتوجنى لحظات الخيال
لكـــــــــن خيالى هذا لم يطل........... فقد اطل علَّى الواقع بقذائفه
واسكننى فى صمتى ووحدتى
بداخلى اثنين يتصارعان
انسان يحكمه العقل وانسان يحكمه القلب
ماذا افعل ؟اصــــــدِم ام اُصــــــدم ؟؟
تُقتحم الان.... تفتح ابوابها
لهمسات تخترق مسامعى وكلمات تـُــــساق الى قلبى و
ابتسامه ُترسم لتضىء كل يوم وجهى وزهور تنشر عطرها حـــــــــولى
وخيوط من اشعة الشمس تخترقنى مع كل اشراقة وغروب غزلتها جوارجى
تتوجنى لحظات الخيال
لكـــــــــن خيالى هذا لم يطل........... فقد اطل علَّى الواقع بقذائفه
واسكننى فى صمتى ووحدتى
بداخلى اثنين يتصارعان
انسان يحكمه العقل وانسان يحكمه القلب
ماذا افعل ؟اصــــــدِم ام اُصــــــدم ؟؟
posted by moorgen @ 1:47 AM
36 Comments:
At 6:40 AM,
saso said…
هـيــيــيـية
أنا أول حد هاقول كومينت اخيرا :)) بنت يا شيري انتي قوية جدا جدا
المشاعر بتقتحمك من غير مقدمات تبدل كل حاجة حواليكي،، بعد حبة بعد كتير مش مهم بنبدأ نشوف بعينين جديدة بيطلعلنا عقل فجأة !!! وتلقي نفسك مش عارفة مين اللي في المراية دي، مين اللي بتتصرف بدالك وبتحلم ليكي وبتقول كلامك وفجأة تستندل وتسيبك تواجهي لوحدك
تبقي عقل صرف ،، يا تهربي يا تواجهي وفي الحالتين في حد هينجرح،، بلاش سيرة الاتنين اللي بيتصارعوا جواكي علشان الاتنين اللي عندي بيضربواا بعض ،، علي رأيك احنا بهتنا علي بعض
At 2:25 PM,
Adel said…
اقولك حكمي قلبك وخلي عقلك يراقبه وانت توصلي للسرايا الصفرا وتحياتي ليك والله كنت من ثواني بافتكر بنتى وكنت بابكي بس مش عارف لما قرات كلامك حسيت ان فعلا ربنا رحمها ورحمنى انا كمان
At 2:40 PM,
توهة said…
سؤال صعب مافيش إختياراااااات
إتصا بصديق ,,,, جمهور طيب اى حاجه
يالهوى ضاعت المليونيييين
مساعرك رقيقه وصادقه وطالعه طبيعيه
لا انا مش قد الرقه دى حسبى على انا كده ممكن اسخسخ معاكى
بس ه سؤال محير
القلب قراراته أحلام تشيلك فوق السحاب
والعقل قراراته تخبطك بالواقع اللى مش عايزه
فبجد احتاسى الأول وبعدين اختارى العقل
وربنا معانا جمعاااااء
فانتازياااااااااااااااا
فانتازياااااااااااااااااااا
At 5:25 PM,
الســـاحر said…
الله على الاحساس الجميل اللى فى الموضوع ده....والحيره والتساؤل اللى فى الاخر زين الموضوع...ربنا يوفقك
At 5:29 PM,
مفلس افندى الرايق said…
ايه الكلام الجامد ده والله بهرنى
لا بجد يا شيرين برافوا عند فكر جميل واسلوب روعه
حبى بعقلك الاول وبعد ما عقلك يبتدى يفكر فيه ويكون يستاهل التفكير افتحيله باب قلبك بس بحذر لحد ما تتاكدى انه يستاهل حبك ووقتها حبيه بقلبك وعقلك وكل كيانك
At 6:59 PM,
أجدع واحد في الشارع said…
اقولك انا
اصدم التانية احسن من الاولى
عشان التانية تكون فكرت شويه
At 12:04 AM,
مـحـمـد مـفـيـد said…
فقد اطل علَّى الواقع بقذائفه
تعبير في منتهي الجمال
الرقيقه شيري اولا كل عام وانتي بخير والسنه الجايه تكوني حققتي كل ما تتمنيه من هذه الدنيا الصغيره
فانا مع العقل لانه دائما او غالبا ما يكون صائبا ام القلب فيميل الي العاطفه وقليلا ما تكون العاطفه صحيحه
بس سيبك انتي ايه الجمال ده وكاني امام صلاح جاهين .برافوعليكي
At 4:40 AM,
مفلس افندى الرايق said…
شيرى تعالى انا لسه عامل موضوع حالا
At 5:39 AM,
يا مصر اكتب إليكي رسائلي said…
رقة الأحساس نعمة من الله
ربنا يخليكي كدا على طول ، بس اتمنى ليكي كمان انك مش تكوني بتمري بأي تجربة ( او روئية ) صعبة من دول ، اتمنى ليكي انك تمري بس بكل تجربة أو روئية حلوة . ربنا يوفقك نفسي ارد أعلق صح على كلامكم واسيب بوست بس مش قادر مؤقتا
At 11:06 AM,
moorgen said…
عارفه يا صافى انا كنت هازعل لو معلقتيش على البوست دا لان انت عارفة احنا بهتنا على بعض
انتى تبتدى وانا انهى
:)
ثانيا
ما انتى عارفة حالة التركيز والعقل لما تسيطر
اى نعم انا عندى اتنين بس فى النهايه بيقى واحد انتى بقى ايه
ههههههههه
**************
المزاجنجى
اهلا فينك يا عم
اه لو حكمت قلبى يبقى قول عليا يا رحمن يا رحيم
:)
ويا سيدى الدموع فضفضة وماتزعلش نفسك اكيد ربنا مش بيعمل حاجة وحشه ربنا يرحمنا جميعا
تحياتى
At 11:18 AM,
moorgen said…
فانتازياااااااا
اهلا يا قمر
بصراحة انا بقيت استناكى كل بوست
:)
فى الحالات اللى زى دى مفيش صديق ولا جمهور فى نفسك وبس وانتى اللى لازم تختارى
يا اما تحذفى اتنين من الاتنين
ومقدرش على كلامك دا واوعى تسخسخى افوقك ازاى
انا فعلا محتاسه وفى الاخر حاحط عقلى فى الفاترينه وقلبى فى التلاجة
وانجز
تحياتى
الساحر
اهلا بيك وبمروك
وميرسى ليك
تاهت بنا افكارنا فحيرنا
فتسائلنا وسألنا عسى نحظى بالجواب
تحياتى
At 11:32 AM,
moorgen said…
مفلــــــس
اهلا :)
ميرسى يا باشا
عقلى وقلبى وبقيت الجوارح فين يا مفلس
بس حلوة الروشته دى
وانا هامشى عليها
:D
تحياتى
*************
اجدع واحد فى الشارع
ازيك يا كوكى
ميرسى عل حضورك
وفعلا لازم قبل اى قرار نفكر كويس
:)
تحياتى
At 11:42 AM,
moorgen said…
محمد مفيد
:)
بجد ميرسى كتير ليك وعلى كلامك الجميل دا
وكل سنه وانت طيب
فعلا يا محمد اكيد العقل ارجح م القلب
(تفكروا يا اولوا الالباب )
صلاح جاهين يا محمد مش قوى كدا
تحياتى يا باشا
************
يا مصر اكتب اليكى رسائلى
اهلا بمرورك الجميل
ميرسى على كلامك الجميل والحمدلله ربنا ميجبش حاجة وحشه او صعبه
وولا يهمك انت كنت عايز تقول ايه اكتر من كدا ربنا يوفقك
تحياتى
At 11:43 AM,
moorgen said…
بجد بجد
ميـــــــرسى ليكوا كلكوا
تحياتى
:)
:)
:)
At 11:55 AM,
admelmasry said…
با بنت يا مورجن
ازيك ؟
جوتن مورجن
هههههههه
وتقولي عليا وقعت امال انتي ايه ؟
اتحدفتي من فوق ؟
ههههههههه
ده انتي شاكلك واقعة طحن
او بتكتبي عن واحدة واقعة موت
ههههههههههههه
احب اموت والسلام
At 4:51 PM,
Yousra said…
نصيحة حكمي عقلك بالرغم أني مش بعرف اعمل كده
At 5:01 PM,
Anonymous said…
:)
hmm..the two powers within: mind and heart!!
I would say,,mind!! though..I am not convinced!! but mind should take lead!! or else will drown with the mischievous heart!!
At 7:59 PM,
مفلس افندى الرايق said…
امشى على الروشته بس خلى بالك فى بلاعه مفتوحه ف الطريق لتقعى فى بحر الحب وتغرقى وانتى مش واخده بالك
وخلى بالك من السلمه المكسوره
At 3:13 AM,
محمد أبو الفتوح said…
لا تجبر الإنسان و لا تخيره
يكفيه ما فيه من عقل بيحيره
اللى النهارده بيطلبه و يشتهيه
هو اللى بكره هيشتهى يغيره
و عجبى
صلاح جاهين
هيا كده و هانعمل إيه
الصبر الصبر الصبر ياللى ليكوا حاجات فى صدركوا على الشمال
At 12:10 PM,
moorgen said…
آدم
اهلا اهلا
انا الحمد لله
الله ايه كلنا بنطير فى سما الحب ونغرق فى بحر الغرام
جوتن مورجن يا سى ادم
:)
*************************
يســـــــرا
اهلا يا جميل وميرسى على مرورك
فى الاخر كلام العقل هو اللى لازم يمشى لكنه اكيد هو الصح ولو حكمتى قلبك مرة مش هاتكرريها
تحياتى
At 1:46 PM,
moro said…
شيرى الحمد الله فهمت بجد انت رقيقة اوى صح انا معاكى طول اليوم بس بكتشف ده فى البلوج
بس المهم انا كل واحد جوه اتنين بس المهم ميت اللى هينتصر القلب و العقل معاكى مين غير اما افكر القلب بس بردوا ماتلغيش عقلك
At 3:52 AM,
مـحـمـد مـفـيـد said…
ممكن نقول بدايه لقصه ما؟؟؟؟؟؟؟؟؟؟؟؟
مجرد سؤال برئ
At 4:47 AM,
moorgen said…
epitaph
thx
i know we have two powers within mind and heart, but i think at the end mind will win
regards
:)
At 4:53 AM,
moorgen said…
مفلس
ماشى يا باشا
بس لا يمنع حذر من قدر
********************
محمد ابو الفتوح
:)
ايه قينك
هانعمل ايه بقى محدش عقله مريحه ولا نبض قلبه بيرحمه
:)
تحياتى
At 5:01 AM,
moorgen said…
لوكا
هيييييييييه مورو تحدثت العربيه
شفتى يامورو انا معاكى كل يوم بس الشركة دى ليها ظروفها وعمر الحاجات ما تطلع فيها الواحد بيحاول يظهر غير شخصيته لان ما ينفعش غير كدا بس ولولا ارتباطنا ببعض انتى وصافى عارفين اللى فيها :)وفى كلتا الاحوال انا هو انا طبيعتى غالبه عليا
وفعلا يا مورو العقل معايا انتى عارفة حالة العقل عندى مش بتقولوا عليا عاقله) يبقى العقل هو اللى هايقودنى)
At 5:54 AM,
مفلس افندى الرايق said…
انضم للدفاع عن رسولك
At 6:38 AM,
مـحـمـد مـفـيـد said…
؟؟؟؟؟؟؟؟؟؟؟ظ
At 8:15 AM,
أجدع واحد في الشارع said…
انا نزلت بوست جديد
At 10:23 AM,
moorgen said…
محمد مفيد
:)
ما احنا قولنا اللى فيها
تعبير .........
ولو سؤالك برىء هاتلى الدليل وانا اطلعه براءة
هههههههههه
At 10:25 AM,
moorgen said…
اجدع واحد فى الشارع
علم وجارى الدخول للمدونه
:)
At 3:58 PM,
Mamdouh Dorrah said…
ما تعمليش حاجة
دعي السفن تجري في مجاريها
ما تحاوليش يعبثي باللعبة القدرية... بس
المهم انتي عاملة اية... ؟؟؟ سمعت ان الشوكولات بتاعك تفرق دمه بين القبائل
At 9:23 PM,
الســـاحر said…
على فكره انا كتبت قصيده جديده وياريت تشوفيها
At 8:40 AM,
مفلس افندى الرايق said…
انا عاوز القطايف والكنافه يا شيرى
ماليش دعوه
At 9:30 AM,
كلبوزة لكن سمباتيك said…
عزيزتي عن تجربة العقل هو الذي ينجح
استخيري
و ربنا يوفقك
اما عن اتصدم ام اصدم
فانا انصحك ان تقولي الحقيقة
و هي ستنجيكي باذن الله
الحقيقة اقصد بها حقيقة مشاعرك و مخاوفك و ظنونك
سيقدر الطرف التاني هذا منك
خالص تحياتي
و رمضان كريم
At 11:05 AM,
moorgen said…
كورتكس
ياه فينك ياعم انا قولت انك زعلت كل دا عشان الشيكولات ماكنتش اعرف
اه ماهى كانت جايه ومبصوص فيها
انا بس مسكتها فى ايدى يادوب دا اللى قدرت عليه انى امسكها واتفرج عليها
هههههه
انا الحمد لله
اما بالنسبه للبوست
ليت كل ما يتمناه المرء يدركه ولكن تأتى الرياح بما لا تشتهى السفن
ويا كورتكس لو السفن ماشيه واتصدمت فى حاجة مش هاتوقف ولا هاتكمل
:)
********************
الساحر
علم وجارى الدخول للمدونه
:)
************
مفلـــــس
بس كدا انت تأمر يا باشا لو ع القطايف عينيه اعملهاك بس الكنافة هاشتريهالك من برة لانى فاشله فيها
هههههه
انا قولت اهو
At 11:12 AM,
moorgen said…
كلبوزة
اهلا بيكى كل سنه وانت طيبه رمضان كريم
نورتى بحضورك
وميرسى جدا على النصيحة وانا عارفة ان كافة العقل هى الارجح
وعارفة ان الصراحة هى طوق النجاة بس اوقات بتحتاجى تجملى الصراحة عشان ماتكنش اسيا وتمرنى القلب على انه يستوعب وينبض من تانى
اما الاستخارة ونعم بالله بس استخارة فى امر محسوم ملهاش نتيجة
:)
Post a Comment
<< Home