بدون عنوان
عندما تتقابل الارواح دون ان تتقابل الوجوه
واشخاص تفتح لها القلوب دون ان تراها العيون
اشخاص يرسمها الخيال وافكار يراقبها الخجل
وكلمات تنطق بالحب ولكنها بحذر
وافعال تلقائيه ليست محسوبه ولكنها محسوسه
واشخاص ترسم الإبتسامة
مع كل شروق وغروب
بهم زرعت دنيـــــا تغرد لها الطيور
وبستان جميل عطره الصدق
مــــــــائه الحيــــــــــــــــــــــــاء
ونوره خشــــــــية اللـــــــــــــه
وزهوره الحـــــــــب والسلام
فأخاف
انا اكون زرعت الاشواق فى ارض الخيال
واشخاص رسمتهم على الرمال
ودنيا زائله لا محال
ربما جمعتنا الصدفة او حكمه يريدها رب العباد
posted by moorgen @ 6:03 AM
24 Comments:
At 9:38 AM,
admelmasry said…
اول كومنت بقي ياههاهاها
مين فينا بقي اللي بيكتب كلام ملغز .. ايه بقي كل الالغاز دي
احزر وافزر انا
واقول ياتري دي كان قصدها
يا تري هو ولا مش .. ولا ايه ؟
ههههههههههههههه
كل سنه وانتي طيبة
At 9:58 AM,
Mamdouh Dorrah said…
شيري
مش عارف اقولك اية؟؟؟؟؟
الكلام ده كبير... و شامم فيه ريحة ملوخية
ههههههههههههههههههه
كل سنه و انتي طيبة
At 2:04 PM,
مـحـمـد مـفـيـد said…
الرائعه شيرين
كم قلت لكي انك هادئه والان اقول لكي انتي حساسه هادفه والكلام ده ليس بدون عنوان ولكن المعني في بطن مورجن
اتمني ان تكوني بصحه جيده الان ومعلش للتاخير انتي عارفه الجدول عندي مزدحم جدا
At 3:25 AM,
moorgen said…
:)
آدم وكورتكس
اه
آدم اول كومنت اخر كومنت منور
لاالغاز ولاحاجة ولا فزورة ولا حكايه
ومقدرش اتعبك فى التفكير
يا تري هو ولا مش .. ولا ايه ؟
هى ولا ايه
:)
كل سنه وانت طيب
******************
كورتكس
كل سنه وانت طيب
:)
بص لا ملوخيه ولا باميه
شكلك انت جعان
الله
At 3:27 AM,
moorgen said…
محمدمفيد
:) :)
ميرسى على سؤالك وكلامك الجميل
انا الحمد لله
وانت ربنا يوفقك ويعينك
وفعلا لوع العنوان اكيد مفيش حاجة مالهاش عنوان بس بجد مش لاقيه عنوان يوصف احساسى
At 11:49 AM,
توهة said…
ربما جمعتنا الصدفه او حكمه ارادها رب الوجود
انت عارفه بابا قالى مره ان البنات روحانين اوى لدرجة انهم بيصدقوا احلامهم بس الواقع اصعب كتير من راجل لا يصدق روحانيته
مورجين انتى فعلا روحانيه
كروان
At 9:56 PM,
Anonymous said…
لكل شىء فى الحياة غاية .. ولكل حدث هدف محدد فى سلسة الوصل الحياتى
ما الاحداث سوى حلقات.. حلقة تسلم حلقة لنصل للنهاية المطلقة التى لا يدرى احد كنهها
تفكري جيدا فيما يحدث
فلكل حدث غاية
تحياتى
نيرفانا
At 10:39 AM,
توهة said…
بقى انا اللى جميله برده ياقمر
ايه الكلام الرقيق ده كله بجد انا سعيده بك والبلوج الرائع ده
فانتازيااااااااااااااااااااااااا
فانتازيااااااااااااااااااااااااااا
At 11:22 AM,
كلبوزة لكن سمباتيك said…
عبرتي بكل احساس و صدق عن مشاعر المدون تجاه اشخاص لا يراهم و لكن يتعلق بهم بدرجات متفاوتة ربما السبب التقاء الافكار او الاشتراك في الهموم نفسها
--
رقيقة انتي في كتاباتك
الي الامام دائما
خالص تحياتي
و رمضان كريم
At 1:02 PM,
هيثم محفوظ said…
moorgen
كالعاده رقيقه و حساسه لدرجة إنى ساعات بحس إنى سامع صوتك و أنا بقراكى
البوست ده حلو قوى لغاية ما قولتى
فأخاف
انا اكون زرعت الاشواق فى ارض الخيال
واشخاص رسمتهم على الرمال
ودنيا زائله لا محال
يا بنتى سيبى نفسك شويه للتفاؤل حتى لو فيه ناس ماطلعوش بمستوى إحساسك بيهم سواء من البلوجر أو زمايلك فى الشغل أو إصحابك (إيه المشكله؟) الدنيا مابتوقفش و ربنا موجود و فيه ناس أكيد تستاهل إحساسك من اللى إنتى عارفاهم(رجع رجع الفرحه فؤاد حداد)
At 1:08 PM,
محمد أبو الفتوح said…
شيرى
جميييييييييييييل
الحاله فى الرقه قوى
بس ماكدبش عليكى إنتى غريبه
فى حتت بتبقى عاليه فيها قوى قوى قوى فوق السحاب بجد زى مثلا
(وافكار يراقبها الخجل)
(و محسوبه و محسوسه)
بعدين ألاقيكى سلمتى نفسك لقافيه سهله قوى و متوقعه زى محال و رمال
هوه فيه إيه
و مادام إنتى قادره تكتبى بالجمال ده ليه الإستسهال
أنا بجد بتبهر بصورك الجديده و الحقيقيه قوى
أما بالنسبه للحاله عموما
الحبايب كتير أكتر من ما تتصورى
أهلك و أصحابك و الناس
بصى لوشوشهم و انتى رايحه الشغل أو جايه
هتلاقى طيبه و دنيا تانيه (أنا بدمع دلوقتى :) )
المهم أحلى سلاااااااااااام
At 2:35 PM,
Anonymous said…
تعرفى يا شيرى المقولة الشائعة اللى بتقول ان اللقا نصيب ومقدر ومكتوب؟؟
وتعرفى المقولة اللى بتقول رب صدفة خير من الف ميعاد؟؟
اضربى المقولتين دول فى الخلاط
حتلاقيهم الترجمة العامية لكلامك الجميل دة
-------
فعلا يا عزيزتى
كله بتصاريف رب العالمين
ولا احد يدرى من سيقابله فى رحلته
ربما سيقابل الحب
ربما سيقابل الصديق
ربما سيقابل الموت
لا احد يدرى
وحين يتلاقى المقدر عليهما اللقاء
يشعر كل منهما بان الاخر مألوف فى عينيه
ترى؟؟
هل تلاقت ارواحهم من قبل؟؟
ام تعارفت وائتلفت فى زمان غير الزمان
ومكان غير المكان؟
دائما ما كنتى رقيقة وعالية الاحساس
تلمسى القلوب بكلماتك
وتصيبى الاحاسيس التى نخفيها بسهم يخرجها ثانية على وجوهنا
ربنا ما يحرمنا من كلماتك الحية
At 2:47 PM,
moorgen said…
كروان
ازيك يا قمر
ميرسى
لما الروح تحس والقلب ينبض يبقى اكيد هانعرف نعبر
:)
********
نيرفانا
اهلا بيكى
اعلم ان لكل حدث غايه
وايضا نحن ندور مع عجلات الحياه ونتقابل ونفترق فى عجلاتها
فنحن لانعلم مافى الاحداث ومن اين تبدأ والى اين تنتهى
At 4:49 PM,
moorgen said…
كلبوزة
ميرسى على حضورك وكلامك الجميل
انا حسيت بالحب الصافى بدون نفاق ولا كلام مغلف وتجميل ناس كلمة الصدق سابقاهم
الصدفة اللى جمعتنا الكلمه اللى جمعتنا المهم اننا اجتمعنا
تحياتى
والله اكرم
****************
فنتازياااااااااا
اهلا يا جميله
:)
انت السابقون
وانا اسعد بيك وبكل اللى بحبهم
At 5:06 PM,
moorgen said…
هيثم
ومحمد
مرحب التوأم
هيثم
ازيك يا جميل
انا عارفة ان الدنيا مش بتقف بس اعمل ايه ربنا خلقنى كدا لما بحس بحس اوى ولما بحب بحب اوى ودايما بخاف من احساسى اللى ممكن يكون زايد
عشان كدا بحاول لا التفاؤل ياخدنى ولا الحزن ياخدنىوخوفى دايما سابقنى
لانى مش بحب اجرح ولا انجرح
:)
شفت اديك دخلتنى فى المود
**************
محمد ابو الفتوح
ازيك يا جميل اخبار الدراسه ايه
وسورى لانى خلاتك تدمع
وميرسى على كلامك الجميل
ومش عارفة بجد انا اللى بحسه بكتبه ممكن اكون بحاول لوعملت قافيه تطلع منى ضعيفة
وبالنسبه للحابيب انا عارفة انهم كتير بس لما تحب اشخاص لا شافوك ولا عرفوك وحاسوك من كلامك ورسمو الحب ولونه بالصدق يبقى تخاف تفقدهم
:)
ومش عارف اقول ايه انت وهيثم لما تقوليلى كلام جميل كدا
اعمل ايه
:)
At 6:05 PM,
مفلس افندى الرايق said…
ايه الكلام الروعه ده والله جميل لا لا فى احساس ظاهر شكل الصيام طلع اجمل احساس والمشاعر بقيت هى اللى بتكتب
جميل يا شيرى
انا اكون زرعت الاشواق فى ارض الخيال
واشخاص رسمتهم على الرمال
دى اجمل ما فيها ومع ان كلها رائعه بس دى عجبتنى قوى
زرعت الاشواق فى ارض الخيال
وظننت انا هواكى سهل المنال
ورسمت صورتكى فوق الرمال
فهبت الريح وعصفت بها
وقال منادى يا عاشق...حبك محال
من وحى كلامك الرقيق
At 10:22 AM,
saso said…
طبعا انا اول حد اسمعها،، وقولتلك رأيي ولو انها لما قصرت كده بقت احلي كمان .. بس يا شيري انتي كل كلامك رقيق
ولو اننا قد بعض اوقات بحس انك صغيره خالص واني خايفه عليكي من كل حاجه
بس برضة تفائلى :) انتي عارفه شعاري طبعا
At 2:20 PM,
أجدع واحد في الشارع said…
بجد كلام جميل اوى
وكل سنة وانتى طيبة
وتعالى شوفى الجديد
At 3:56 PM,
moro said…
انا برده قرأتوا مع شيرى قبل ما تعملوا بوست و أخدت رأيى فى ، على شان كدا طلع تحفة ، و يا شيرى دايما أحلامنا بتبقى أحلى من الواقع أو أصلا مافيش وجه مقارنة بس إحنا لازم نتعايش مع الواقع و نلونو باحلامنا الوردية بدل ما أحلامنا تكون على أرض زائفة و بعد كده أما تكونى مضايقة غنى أغنية " هم نم با روحى جايبلك ممم" شعار ساسو
At 1:22 PM,
moorgen said…
شهروزة
ازيك يا جميله وكل سنه وانتى طيبه
ميرسى على كلامك الجميل
عزيزتى
ربما تسوقنا اقدرانا الى دنيا جديدة نشعر بها وتضمها الصدفة وتعلوها ارادة الرحمن
نسأل الله ان يجمعنا على الحب
At 1:24 PM,
moorgen said…
مفلس
ازيك
بجد عجبتك
الفهالك
:)
وازينها بكلامك
ميرسى ليك
At 1:32 PM,
moorgen said…
صافى
:)
طبعا انتى ومورو كنتوا معايا بعد ماكتبتها قبل ما عملها بوست بعد القطع والحذف
ويا كوكى متخافيش هو انتوا لاعاجبكوا عاقله ولا صغيره اعملكوا ايه
وانتى عارفة انا متفــــــــــائله خالص
ههههههههه
**********************
مورو
اهلا
بس بجد خطك ولغتك اتقدمت خالص يجى منك
ههههههه
يا مورو لو عشنا على طول فى ارض الواقع يبقى مفيش خيال مفيش امل مفيش تفائل
على رأيك
لازم نتعايش مع الواقع و نلونه باحلامنا الوردية بدل ما أحلامنا تكون على أرض زائفة
At 8:35 PM,
مفلس افندى الرايق said…
ازيك يا شيررررررررى
At 10:05 AM,
3lool said…
كلمات جميله جدا جدا جدا
بصراحه فيه اشخاص ببقي عاوز اقول لهم الكلمات دي بس مش بعرف اعبر عنها بالعربي زي تعبيرك الرائع ده
تحياتي لك
Post a Comment
<< Home