الحكايه م البدايه
نحكى حكايه عصفورة لسه يا دوب صغنونه لكنها م الحياه اتعلمت
كان فى عصفورة صغيرة جناحتها يادوب قصيره
داعبتها اوراق الشجر ونادتها نسايم الهوا
خوفى عليكى لتكبرى قبل الاوان يا صغيرة
حضنت بأيدها الهوا حاولت تطير مقتدرتش حاولت تانى ومستسلمتش
والتالته طارت وحلقت ورجعت لعشها وحاسه ا نها ملكت الدنيا من فوقها وتحتها
وفى يوم من الايام غرتها حبه على الارض كانت نزلت بكل براءة تلقطها اتاريها كانت طلقة غدر فى النهايه بانت وانجرحت العصفورة لكنها حاولت وقامت
وقابلها طير الحب الوردى بالحب حفف الامها وبالامل داوى جرحها
ولما اشتدت وجف جرحها سابها ومشى من غير اى كلمه او حتى يقولها
رجعت تانى عشها
ومن غير كلام عبرت ودموعها فى عيونها اتحجرت
وبحضن الام ضمتها ومن غير كلام فهمتها
وقالتلها فوق العشوش رفرفى وغنى وعند الحب هدى
واوعى ترمى نفسك فى النار النار بتحرق كل من كان
العصفورة
قالتلها دنيتى بإيديه هارسمها وبعقلى هالونها
وبنور الشمس هازينها وبخيوط الحكمة هاغزلها
الصبح عندى حياه جديدة امل جديد
دنيا جديدة بتوب جديد
داعبتها اوراق الشجر ونادتها نسايم الهوا
خوفى عليكى لتكبرى قبل الاوان يا صغيرة
حضنت بأيدها الهوا حاولت تطير مقتدرتش حاولت تانى ومستسلمتش
والتالته طارت وحلقت ورجعت لعشها وحاسه ا نها ملكت الدنيا من فوقها وتحتها
وفى يوم من الايام غرتها حبه على الارض كانت نزلت بكل براءة تلقطها اتاريها كانت طلقة غدر فى النهايه بانت وانجرحت العصفورة لكنها حاولت وقامت
وقابلها طير الحب الوردى بالحب حفف الامها وبالامل داوى جرحها
ولما اشتدت وجف جرحها سابها ومشى من غير اى كلمه او حتى يقولها
رجعت تانى عشها
ومن غير كلام عبرت ودموعها فى عيونها اتحجرت
وبحضن الام ضمتها ومن غير كلام فهمتها
وقالتلها فوق العشوش رفرفى وغنى وعند الحب هدى
واوعى ترمى نفسك فى النار النار بتحرق كل من كان
العصفورة
قالتلها دنيتى بإيديه هارسمها وبعقلى هالونها
وبنور الشمس هازينها وبخيوط الحكمة هاغزلها
الصبح عندى حياه جديدة امل جديد
دنيا جديدة بتوب جديد
posted by moorgen @ 10:40 AM
36 Comments:
At 12:01 PM,
saso said…
دي احلي حاجة في اننا صحاب
بالحق اعرف عن البوست بدري
حضنت بأيدها الهوا حاولت تطير مقتدرتش حاولت تانى ومستسلمتش
علي رأي محمد ابو الفتوح عندك صور اوقات مدهشة وهنا متنغمة اوي كانها اغنية
شيري مش فاهمة طير الحب الوردي داوي جرحها ولما جف سابها ومشي
ياريتة كان سابها جرح الغدر اهون اكيد
بس عصفورتك قوية اوي
الصبح عندي حياة جديدة وامل جديد.. فكرتيني بكلام واحده اعرفها .. متفائلة وبتيجي الصبح مبتسمة
اوعي تيجي بكرة مكشرة بقي
:)
مسترك جاي بكرة
At 2:21 PM,
Anonymous said…
كل سنه وانتى طيبه يا صاحبه الاحساس المرهف احييكى
شكرا
At 4:59 PM,
مـحـمـد مـفـيـد said…
صباح الخير يا شيرين
اتمني لكي نوم هادئ
العصفوره دي في منتهي الفقوه وعندها الاراده الكافيه للتغلب علي كل الجروح
فالانسان بال جروح كالقطعه الراكده التي لم يدب فيها الحياه
واحلي حاجه في كلامك الجميل ان الام هي اللي فهمتها
At 6:28 PM,
Anonymous said…
إذا أتى الشتاء..
وحركت رياحه ستائري
أحس يا صديقتي
بحاجة إلى البكاء
على ذراعيك..
على دفاتري..
إذا أتى الشتاء
وانقطعت عندلة العنادل
وأصبحت ..
كل العصافير بلا منازل
يبتدئ النزيف في قلبي .. وفي أناملي.
كأنما الأمطار في السماء
تهطل يا صديقتي في داخلي..
عندئذ .. يغمرني
شوق طفولي إلى البكاء ..
كمركب أرهقه العياء
كطائر مهاجر..
يبحث عن نافذة تضاء
يبحث عن سقف له ..
في عتمة الجدائل ..
*
إذا أتى الشتاء..
واغتال ما في الحقل من طيوب..
وخبأ النجوم في ردائه الكئيب
يأتي إلى الحزن من مغارة المساء
يأتي كطفل شاحب غريب
مبلل الخدين والرداء..
وأفتح الباب لهذا الزائر الحبيب
أمنحه السرير .. والغطاء
أمنحه .. جميع ما يشاء
*
من أين جاء الحزن يا صديقتي ؟
وكيف جاء؟
يحمل لي في يده..
زنابقا رائعة الشحوب
يحمل لي ..
حقائب الدموع والبكاء..
At 11:43 PM,
LAMIA MAHMOUD said…
اية ده مش تقولي انك صاحبة ساسو
صباح الجمال يا بنانيت
الصبح عندي حياة جديدة
الصبح حبقى انا
At 7:20 AM,
admelmasry said…
الصبج ميلاد
الصبح امل
الصبح حق
الصبح جنه
الصبح ميلاد لكل نبته بتتولد
الصبح امل نور الخليقة بينفرد
الصبح حق وهنبيكي بلد
الصبح جنه عيشة بين البت مع الولد
الصبح ميلاد لكل نبته بتتولد
فوق السحاب
الصبح امل نور الخليقة بينتشر
يعمي الضباب
الصبح حق وهنبيكي بلد
ودا مش سراب
الصبح جنه عيشة بين البت مع الولد
ما فهاش عذاب
*************
قشطة قشطة الارتجال شغال معايا قشطة
At 12:48 PM,
Anonymous said…
كل سنه وانتى طيبه وعلى فكره انتى معزومه بكره على عيد ميلادى الاول وانا بينكم والعنوان مدونه واحد من الناس
At 12:50 PM,
moorgen said…
صافى يا توأمى
:D
اه شفتى فعلا جرح الغدر اهون
بس شفتى العصفورة اينعم عقلها صغير وجسمها ضئيل بس رفضت الاستسلام
اه عارفها اللى كل يوم يوم تيجى مبسوطه ومتفائله
:)
لا ان شاء الله هاتفائل
ومسترك اللى جاى فكرتينى
*************
واحد من الناس
كل سنه وانت طيب
وميرسى ليك ولمرورك وكلامك الجميل
اتمنى انك تكون دائم الزياره
:)
At 12:58 PM,
moorgen said…
محمد مفيد
صباح الخيــــــر
:)
اتمنى انك تكون هديت وبقت احسن
شفت يا محمد كل واحد لما يفكر صح
ويكون متفائل بينسى الالم والجرح والانسان بدون ارادة هايبقى فريسه للاستسلام
الام
الام حضن الحنان حضن الامل والحياه
بيها تكمل الفرحه ومن غيرها فى الدنيا مفيش مكان مفيش كيان
At 1:12 PM,
moorgen said…
واحد من الناس
بجد اهلا بيك
:)
وبجد جميله جدا انا قرتها اكتر من مرة
اتى الربيع دق على بابى فتحت لاقى الذبلان مصير كل ازهارى فى بستانى
صعب عليه يمشى وينسانى
نده عليا وخد بأيدى وقال يلا ابدئى من تانى لسه الحياه وردى قدامك
وعدى بنسايمه على زهورى وسقاها من دمع عيونى
رجعت الحياه لزهورى
وعششت الطيور من تانى
ودبت الروح فى بستانى
اتى الربيع ودق على بابى
At 1:16 PM,
moorgen said…
لميا ازيك انتى يا جميله
صبــــاح الامل
تخيلى انا وصافى طلعنا اصحاب وفى شركةواحدة
:)
الصبح انتى
يبقى كل يوم ضحكةكل اشراقة كل يوم امل
At 1:20 PM,
moorgen said…
آدم
ازيك فينك
:)
الصبح كلمه تفتح جسور الامل
الصبح يوم جديد بأمل جديد
الصبح عمر جديد ميلاد جديد
بس ايه الجمال دا
شغال يا آدم
At 1:40 PM,
moro said…
شيرى حلو اوى أثر فيا
الغدر أما يكون من الحبيب بيكون جرحه ما يدواش بسهولة بس عصفورتك قوية و قدرت تتغلب على جرحها اللى كان ممكن يكون مزمن و يا ريتها كانت فضلت صغيرة
اه كل سنة و أنتى طيبة العيد فرحة هيا
At 2:25 PM,
Anonymous said…
اد ايه جميل كلامك بجد جميل وريحنى اوى مش عارف ليه اديتنى شحنه جامده من الامل يا ملهمتى
At 3:43 AM,
FrEe.PhArAoH said…
قوية
اتمنى ان نتعلم منها
تحياتى لقلمك المؤثر
At 6:34 AM,
كلبوزة لكن سمباتيك said…
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي
At 1:22 PM,
توهة said…
تصفيق حاااااااااااااار هنا عند مورجن وصلحه
100
على
100
وكل سنه وانتى طيبه
فانتازيااااااااااااااااااا
فانتازيااااااااااااااااااااااااااا
At 5:03 PM,
بين الأمل و اليأس said…
يارب نكون كلنا العصفور ده، بجد الأمل حلو وعلى فكره احنا اللي بنغلط يعني لما نخاف هانغلط ولما نفشل في الوصول لهدف يبقه اكيد احنا قصرنا ومعملناش كل اللي علينا، يعني احنا اللي بنفشل واحنا اللي بننجح مش اللي حولينا، واحسن شيء الاصرار والعزيمه وطول مافيه شروق وغروب وفيه بكره يبقه فيه أمل وطول ما فيه نفس يبقه مافيش حاجه اسمها نهاية او يأس ، ويارب يكبر العصفور ويقوى ويقدر على اللي لسه مشفهوش
وربنا يسترها
At 8:35 PM,
مفلس افندى الرايق said…
الجميله ديما شيرى
كلماتك فيها معانى حلوه جدا ومن الكلمات اللى عجبتنى طير الحب الوردى
طير الحب الوردى
صاحى يعشق بدرى
ولسه بشقشق فجرى
ولقيت قلبى بيقولى
اروى يا غايب حبى
لما بتبعد عنى
بيدبل زهرى وفلى
ما انت ياغالى حبيبى
وطير الحب الوردى
ازيك يا شيرى كل سنه وانتى طيبه وانا مبسوط انك كتبتى تانى لانى بزعل لما بتقفى عن الكتابه
تحياتى
At 12:57 PM,
moorgen said…
مورو
العيد فرحة ناس هاتاخد اول يوم اجازة
عموما كل سنه وانتى طيبه
شفتى يا مورو عصفورتى الصغيرة مع انها خلاص كبرت وم الحياة اتعلمت وجرحها نسيته وللدنيا فتحت
:)
*********************
واحد من الناس
:)
بجد طيب انا مبسوطة انى كلامى ريحك واداك شحنة م الامل
طول مافى شمس فى امل
وطول ما فى صبح ونهار فى امل
وطول مافى خيوط نور يبقى لازم تغزل توب اللامل
بالامل تعدى الجسور
اشكرك
At 1:01 PM,
moorgen said…
Free.Pharaoh
اهلا بيك ومرورك الجميل وكلماتك الاجمل
وكل سنه وانت طيب
***************
كلبوزة
ازيك
فينك
كل سنه وانتى طيبه
واتمنى اننا نكون من المغفورلهم
عيــــــــد سعيـــــــد
At 1:14 PM,
moorgen said…
فنتازيااااااا
اهلا يا قمر كل سنه وانتى طيــــــبه
وميرسى على التصفيق الحار بس اوعى تكون ايدك وعجتك
مقدرش على كدا
:)
***************
بين الامل واليأس
اهلا بمروك الجميل
فعلا احنا اللى بنصنع النجاح واحنا اللى بنصنع الفشل
الفشل هو انك تستمر فى الفشل
اذا اردت ان تصعد الجبل فلا تنظر الى قمته
وما دام فى نهار بعد الليل يبقى فى امل
ومادام فيك القلب لسه بينبض يبقى فيه امل
والعصفوره اللى قدرت تقاوم وهى صغيره اكيد هاتكون المقاومه اكبر لما تكبر
وطول ما احنا فى الحياه بنتعلم
ليس المرء يولد عالما
تحياتى
At 1:18 PM,
moorgen said…
محمود
كل سنه وانت طيــــــب
ميرسى غل ذوقك وكلامك
وسورى ع الغياب رمضان ولا رمضان عندك انت بس
وايه التعليق الجميل دا هو طير الحب الوردى جيه عندك وعدى عليك
:)
لما بتبعد عنى
بيدبل زهرى وفلى
:)
تحياتى
At 7:03 AM,
أجدع واحد في الشارع said…
كل سنه وانتو طيبين جميعا
وكل سنه وانتو بالف صحه وسلامه
وعيد مبارك
وتعالو شفو الجديد
At 8:53 PM,
tamer afify said…
ايه القصة الجميلة دي؟
جميلة مدونتك
وربنا يوفقك
كل سنة وانتي طيبة
At 9:09 AM,
Anonymous said…
شيرررى الجميلة
ازيك يا حبيبتى؟؟
وحشانى واللة بجد
كل سنة اونتى طيبة وبالف خير
وعيد سعيد عليكم يا رب
اعتقد انه يمكن يكون سعيد
والجاى يبقا احسن باذن اللة
At 8:17 AM,
مفلس افندى الرايق said…
كل سنه وانتى منوره البلوجات كده
At 2:02 PM,
aMiR-El ZaLaM said…
كل سنه وإنتى طيبه....
At 2:57 PM,
moony said…
حلوه اوى حسيت بضعف العصفوره وبعد كده حسيت بمدى قوتها يا ريت الواحد يبقى قوى زيها
At 1:36 AM,
Ahmed Rashwan said…
هل للعصفورة الحق في اختبار لسعة النار ؟؟ا
الخوف عليها من الاحتراق ، يدفعنا أحيانا لخنقها
العصفورة الصغيرة ستكبر يوما وتكتسب خبرات وتذوق طعم نيران جديدة
At 10:07 AM,
3lool said…
اول زياره لمدونتك
واللي مريت عليه من كتاباتك كله جميل كتير كتير
في انتظار جديدك
تحياتي
At 12:06 PM,
moro said…
هاى شيرى إحنا إظهار بهتنا على بعض كل ده و ما كتبتيش حاجة معلش يمكن الحال يتصلح
At 4:11 PM,
Mamdouh Dorrah said…
لما بامر عندك بافتكر حاجات كتير اوي
ادعيللي
At 9:55 AM,
VEЯŎ said…
\اول مرة ادخل عندك عجبني كلامك قوي ومستني كلامك الجميل اللي مليان احساس ورقة مشاعر
At 8:48 AM,
توهة said…
ايه يابنتى فيييييييييييييييينك
انت قاطعتى البلوجات ولا ايه
نطالب بعودتك
فانتازيااااااااا
سابقااااااااااااا
At 10:40 AM,
Anonymous said…
شكرا لك اخي الكريم
شات عراقي,شات عراقنا,دردشة عراقنا,دردشة عراقية,جات عراقنا,جات عراقي,دردشة صبايا عراقية,دردشة صبايا العراق,دردشة العراقية,دردشة قطر,شات قطر,شات صبايا عراقية,شات صبايا العراق
Post a Comment
<< Home