لــــــــــــــــما
لما الدنيا تكون اوقات
عجلة ماشيه بترس سكــــــــات
عجلة ماشيه بترس سكــــــــات
تيجى تمسكها متلحهاش يتجى تفهمها متفهمهاش
تيجى ترسمها عشان تعيشها تلاقيها راسمه ليك حكايات
تيجى ترسمها عشان تعيشها تلاقيها راسمه ليك حكايات
لما تكون الدنيا ارض تزرع فيها نيتة ورد نبتة خير تطرح شوك تطرح شر
لما تكون الدنيا ناس حبك ليهم بالاحساس جوه قلوبهم بريق الماس
راسمين بسمة وماسحين دمعة
ولما تكون الدنيا ناس معدوم جواها الاحساس
جوه قلوبها ليل لسه نهاره مجاش وجوه عيونهم نظرة برود بتقول حقى حقى
حتى لو محسبوهاش
لما الدنيا تكون اوقات
الفرح فيها بالساعات
فيها الامل فيها الرضا فيها اصفى البسمات
فيها حب ما يتوصفش فيها دمعة مابتنزلش فيها صحبه ما تتفرقش
لما الدنيا تكون قلوب
قلوب بتنبض بالحب وقلوب بتنزف م الجرح
لما الدنيا تكون ايام عليك بتمر وسط التوها والزحام
فجأة تلاقى نفسك عاجز ادام دنيا ولحظات صمت
posted by moorgen @ 11:14 AM
22 Comments:
At 4:18 AM,
أبو ضحى said…
لما الدنيا تفضى من الأحلام
و يملاها الواقع و الالام
و يطول ليلها و ينسانا النهار
لما يكون اخرها موت و بدايتها موت
لما نكون فى كل لحظة
بنودع ناس حبيناها
و نرحب بناس بالصدفة عرفناها
الدنيا ايه فيها دايم غير وجه الباقى
لما الدنيا تكون دنيا
--------------------------
تأملاتك جميلة
At 12:18 PM,
ذو النون المصري said…
اشعارك خفيفه
و اعتقد ان فيها شبه ببعض الاشعار العاميه المصريه المشهوره مثل اشعار بيرم التونسي
تحياتي
At 4:22 PM,
hosnysoliman said…
شرين كلامك جميل زى احساسك زى شخصيتك بس الكلام كان عايز يترتب شوية ممكن تقولى ازاى ويعنى ايه
اقلك
انت العنوان هو "لما"وبعدين بدأتى تقولى" لما الدنيا تكون اوقات"وبعدين قلتى لما الدنيا تكون ارض وبعدين ناس هكذا انا كان نفسى يكون الكلام تحت كل عنوان لكل دنيا فقرة خاصة او مقطع خاص زى اول مقطع
لكن الكلام جميل به احساس وتعبير جميل
ارجوا الا اكون تعديت حدود التعليق
At 4:15 PM,
micheal said…
كلامك جميل أوي و أجمل حاجه فيه أنه كله واقعي من صميم حياتنا
تحياتي لكي
At 4:15 PM,
micheal said…
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
At 10:03 AM,
3lool said…
اسلوبك لذيذ وخفيف فعلا واهو ده حال الدنيا
استمري بالكتابه
تحياتي لك
At 1:01 AM,
يا مصر اكتب إليكي رسائلي said…
بمناسبة ذكرى المولد النبوي الشريف ،
يسعدني انت انتهز الفرصة لأتقدم بخالص التهاني
وأطيب التمنيات القلبية
لكم والأسرة والأصدقاء ، وكل عام وانتم بخير
At 4:52 AM,
Sarah el eskafy said…
This comment has been removed by a blog administrator.
At 11:05 PM,
مجـلة جــوا نـا said…
عجبتني كلمة ترس سكات جدا
بالتوفيق تحياتنا
At 7:31 PM,
أخف دم said…
عدنااااااا
ازيك يا شيرين
هيه السياحة بتعمل إحساس حلو كده .. مكنتش اعرف انك شاعرة حساسة جميلة كده
وبلاش تغيبى عننا فترات كبيرة كده زى الفترات اللى فاتت
جميل فعلا
At 2:53 PM,
micheal said…
أنتي فين؟
أرجو أن تكوني بخير
تحياتي لكي
At 2:07 AM,
tamer afify said…
حبيت اسلم عليكي
تحياتي ويارب تكوني بخير
At 11:20 AM,
Ahmed said…
إلى جميع الأخوة و الأخوات
زميلتنا المدونة وينكي تعرضت لموقف خطير أدى لحذف مدونتها، و مما تسبب لها باحباط شديد فقررت ترك الكتابة إلى الأبد و اعتبرت نفسها ميتة
و لأننا نحن المدونون كلنا يد واحد و رزمة أقلام مجتمعة، أتمنى أن تشاركونا بهذه الحملة لاقناع وينكي العزول عن موقفها السلبي و لمعرفة ما حصل معها تماما
رابط الحملة وينكي لن تموت من هنا
أرجو من الجميع مساندة الأخت وينكي
http://gayofsun.blogspot.com/2007/04/blog-post_29.html
At 2:21 AM,
Mamdouh Dorrah said…
سلام عليكي
At 4:11 PM,
سندباد مصري said…
حلوه
تحياتي
At 7:55 PM,
.:.-=- ELGaZaLy-=-.:. said…
شعرك خفيفق اوى وجميل بجد
At 1:19 PM,
ذو النون المصري said…
كلامك سهل و خفيف و ممتع
تحياتي
At 1:00 PM,
Anonymous said…
حمدلله عالسلاااامة يا جميلة
عود أحمد
أعتقد انك غبتى كتير
صح؟؟
ومش محتاجة أقولك أن كلامك بيلمسنى ومن زماااااااان
وحشانى
At 11:31 AM,
!!! الراس الكبيرة منة said…
جامدة اوى وبتمس القلب وترجع ذكريات قديمة
At 6:52 AM,
تامر حسين said…
رائع
تحياتي
At 10:05 AM,
حاول تفتكرنى said…
جميل وبسيط
ومعبر
تحياتي
At 11:35 AM,
م/ الحسيني لزومي said…
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
Post a Comment
<< Home